კონფიდენციალურობა

მოკლედ

ვინ ამუშავებს შენს მონაცემებს

მონაცემთა დამმუშავებელია შპს „დროშები.გე", საიდენტიფიკაციო კოდი 405871579, იურიდიული მისამართი: საქართველო, თბილისი, ვეფხისტყაოსნის ქუჩა 28 — იგივე კომპანია, რომელთანაც შეკვეთისას ხელშეკრულებას დებ.

ნებისმიერ კითხვაზე ამ გვერდის შესახებ პასუხს info@droshebi.ge გცემს.

რას ვაგროვებთ

შეკვეთისას: სახელი და გვარი, ტელეფონი, ქალაქი და მისამართი, სურვილისამებრ ელფოსტა და შენიშვნა კურიერისთვის — პლუს შეკვეთის შიგთავსი და გადახდის სტატუსი. ტელეფონი და მისამართი სავალდებულოა: მათ გარეშე შეკვეთას ვერ მოგიტანთ.

სიახლეების გამოწერისას: ელფოსტა. ინდივიდუალური დროშის მოთხოვნისას: კომპანიის სახელი, ტელეფონი, სურვილისამებრ ელფოსტა და ატვირთული ლოგო ან მაკეტი. ჩატში: ის, რასაც თავად დაწერ.

ბარათის მონაცემები ჩვენ არასოდეს გვხვდება — გადახდას სრულად ამუშავებს ლიცენზირებული საგადახდო პროვაიდერი (Flitt) საკუთარ დაცულ გვერდზე.

შეკვეთის ჩანაწერს თან ერთვის ტექნიკური მონაცემებიც: IP მისამართი, ბრაუზერის აღწერა (user-agent) და ის, საიდან მოხვედი საიტზე — პირველ და ბოლო ვიზიტზე. სარეკლამო ბმულის იდენტიფიკატორები (მაგალითად, Google-ის gclid) ჩანაწერში მხოლოდ მაშინ ხვდება, თუ რეკლამის ქუქები არ გაქვს გამორთული.

რისთვის ვიყენებთ

შეკვეთის შესასრულებლად: გადახდის დადასტურება, SMS და ელფოსტით შეტყობინებები შეკვეთის შესახებ, კურიერისთვის მისამართის გადაცემა და კანონით გათვალისწინებული აღრიცხვა. საფუძველი შენთან დადებული ხელშეკრულება და კანონისმიერი ვალდებულებებია.

სიახლეების წერილები მოგდის მხოლოდ მაშინ, თუ თავად გამოიწერე — თანხმობის საფუძველზე. გამოწერის გაუქმება ნებისმიერ დროს შეგიძლია: უპასუხე ჩვენს წერილს ან მოგვწერე info@droshebi.ge-ზე, და სიიდან უახლოეს დროში, არაუგვიანეს 7 სამუშაო დღისა, ამოგშლით.

ანალიტიკისა და რეკლამის ინსტრუმენტები ჩართულია და ნებისმიერ დროს შეგიძლია გამორთო — დეტალები ქვემოთ, „ქუქები და ანალიტიკა“-ში.

ვის გადაეცემა

იმ სერვისებს, რომელთა გარეშეც შეკვეთა ვერ შესრულდება: საგადახდო პროვაიდერს Flitt (გადახდა), საწყობსა და საკურიერო კომპანიას Logisticswise, რომელიც შეკვეთას ფუთავს და მოგიტანს (მიმღების სახელი, ტელეფონი, მისამართი და შეკვეთის შემადგენლობა), სხვა საკურიერო კომპანიას, თუ გზავნილს ის წაიღებს (მიმღების სახელი, ტელეფონი და მისამართი), SMS-პროვაიდერს uBill (ტელეფონი, შეკვეთის ნომერი და თანხა), ელფოსტის სერვისს Resend (ელფოსტა და შეკვეთის დეტალები — თუ ელფოსტა მიუთითე) და ტექნიკურ ინფრასტრუქტურას: ჰოსტინგი Vercel, მონაცემთა ბაზა და ფაილები Supabase. ახალი შეკვეთის შეტყობინება გუნდს Telegram-ით მოსდის და შეკვეთის დეტალებსა და მისამართს შეიცავს. შენს მონაცემებს არავის ვყიდით.

შეკვეთის შემდეგ Google Analytics-ს ვატყობინებთ, რომ გაყიდვა შედგა — მიდის მხოლოდ შეკვეთის ნომერი, თანხა და შეძენილი პროდუქტები, არასოდეს შენი სახელი, ელფოსტა ან ტელეფონი. Meta-ს გაყიდვის შესახებ მაშინ ვატყობინებთ, თუ რეკლამის ქუქები არ გაქვს გამორთული, და მაშინაც ელფოსტა, ტელეფონი, სახელი და ქალაქი ცალმხრივად დაშიფრული (hashed) სახით მიდის, ღია ტექსტად არასოდეს — პლუს IP მისამართი, რომ რეკლამის ნახვა და შეკვეთა ერთმანეთს დაუკავშირდეს. გამორთვის შემდეგ Meta-ს არაფერი ეგზავნება.

ამ სერვისების ნაწილი (Google, Meta, Microsoft, tawk.to, Telegram, Vercel, Supabase, Resend) მონაცემებს საქართველოს ფარგლებს გარეთ — ევროკავშირსა და აშშ-ში — ამუშავებს, თითოეული საკუთარი კონფიდენციალურობის პირობებით.

Facebook და Instagram

როცა ჩვენს Facebook-ის ან Instagram-ის პოსტზე კომენტარს წერ ან პირად შეტყობინებას გვიგზავნი, Meta გვაწვდის შენს სახელს ან მომხმარებლის სახელს, იდენტიფიკატორს, რომელსაც Meta ჩვენი გვერდისთვის გასცემს, დაწერილ ტექსტს და დროს. ამას ვინახავთ ჩვენს მონაცემთა ბაზაში (Supabase), როგორც შეკვეთის მონაცემებს.

ამას ვიყენებთ, რომ გიპასუხოთ. თუ პოსტზე წერია, რომ კომენტარზე პრომო კოდს ვგზავნით, კოდს პირად შეტყობინებაში ერთხელ, ავტომატურად მიიღებ, კომენტარის ქვეშ კი მოკლედ მოგწერთ, რომ კოდი გამოგიგზავნეთ. ვინახავთ, რომელი კოდი ვის მივეცით და გამოყენებულია თუ არა — ასე ერთ კამპანიაში ერთ ადამიანს ერთი კოდი ეკუთვნის.

ზოგ შეტყობინებას ავტომატური სისტემა პასუხობს. ადამიანთან დაკავშირება ნებისმიერ დროს შეგიძლია: დაწერე და გუნდი სამუშაო საათებში გიპასუხებს.

მიმოწერა და კომენტარების ჩანაწერი ინახება ბოლო შეტყობინებიდან 12 თვე, შემდეგ იშლება. ადრე წაშლა შეგიძლია მოითხოვო: მოგვწერე info@droshebi.ge-ზე ან იმავე ჩატში დაწერე „წაშალეთ ჩემი მონაცემები“ — 7 სამუშაო დღეში წავშლით და დაგიდასტურებთ. კოდით გაკეთებული შეკვეთა შეკვეთების აღრიცხვაში რჩება, ქვემოთ აღწერილი ვადით.

შენახვის ვადა და უსაფრთხოება

შეკვეთის მონაცემები ინახება იმ ვადით, რასაც საგადასახადო და სამომხმარებლო კანონმდებლობა მოითხოვს. სიახლეების გამოწერის ელფოსტა — გაუქმებამდე. ინდივიდუალური დროშის მოთხოვნა და ატვირთული ფაილი — სანამ მოთხოვნას ვამუშავებთ; შენი თხოვნით მაშინვე ვშლით.

კავშირი საიტთან ყოველთვის დაშიფრულია (HTTPS). შეკვეთის ჩანაწერს ხედავს მხოლოდ მაღაზიის გუნდი, ავტორიზაციის შემდეგ.

შენი უფლებები

„პერსონალურ მონაცემთა დაცვის შესახებ“ საქართველოს კანონის შესაბამისად შეგიძლია მოითხოვო შენი მონაცემების ნახვა, გასწორება, წაშლა ან დაბლოკვა, გამოიხმო თანხმობა და უარი თქვა მარკეტინგზე — მოგვწერე info@droshebi.ge-ზე და ერთ სამუშაო დღეში გიპასუხებთ.

თუ მიგაჩნია, რომ შენი უფლებები დაირღვა, შეგიძლია მიმართო პერსონალურ მონაცემთა დაცვის სამსახურს ან სასამართლოს.

ქუქები და ანალიტიკა

აუცილებელი, ყოველთვის: კალათის შიგთავსი და შენი ქუქების არჩევანი ინახება მხოლოდ შენს ბრაუზერში და არსად არ იგზავნება; ერთი ჩანაწერიც, რომ შესავალი ანიმაცია სესიაში მხოლოდ ერთხელ ნახო.

ჩართულია, სანამ არ გამორთავ: Google Analytics და Google Tag Manager (ვიზიტების სტატისტიკა), Microsoft Clarity (ვიზიტის ჩანაწერი და სითბური რუკა — დეტალები ქვემოთ), Meta-ს პიქსელი (რეკლამის გაზომვა და ჩვენება) და tawk.to (ცოცხალი ჩატი — მნახველის ამოცნობა და საუბრის შენახვა). გამორთვის შემდეგ არცერთი მათგანი არ იტვირთება და ქუქებს არ წერს. ჩატის ღილაკზე დაჭერით tawk.to მაშინაც ჩაირთვება, თუ გამორთული გაქვს — ეს შენი არჩევანია, რომ საუბარი დაიწყო.

Microsoft Clarity გვაჩვენებს, სად უჭირთ მნახველებს საიტით სარგებლობა. ის იწერს, როგორ მოძრაობ გვერდზე: სად აჭერ, როგორ ჩამოდიხარ ქვემოთ და როგორ მოძრაობს მაუსი. ამით იწყობა ვიზიტის ჩანაწერი (ვიდეო არ არის — გვერდის ასლი და შენი მოქმედებები) და სითბური რუკა: სად აჭერენ ყველაზე ხშირად და სადამდე ჩადიან. ველებში აკრეფილს Clarity არასოდეს იწერს. შეკვეთის ფორმა — სახელი, ტელეფონი, ელფოსტა და მისამართი — და მიწოდების მონაცემები შეკვეთის დადასტურების გვერდზე ჩანაწერში მთლიანად დაფარულია. ციფრები და ელფოსტის მისამართები დაფარულია ყველა გვერდზე. ჩანაწერებს Microsoft ინახავს თავის ღრუბელში (Azure) 30 დღე, შერჩეულ ნაწილს — 9 თვემდე. Clarity ამ საიტზე წერს ქუქებს _clck და _clsk, Microsoft-ის დომენზე კი — საკუთარს (მაგალითად, MUID).

გამორთვა და ჩართვა ნებისმიერ დროს შეგიძლია — ღილაკით აქვე, ქვემოთ, ან „ქუქების პარამეტრებით“ ყველა გვერდის ბოლოს. გამორთვისას ამ სერვისების ქუქებს ვშლით და გვერდი თავიდან იტვირთება; ბრაუზერის პარამეტრებიდან წაშლაც შეგიძლია.